English
Shqip
E-Commerce dhe Menaxhimi i Uebfaqeve (WordPress)
Niveli: Bazik deri në Intermediar
Kohëzgjatja: 40 orë
Përshkrimi i Kursit
Ky program trajnimi praktik u ofron pjesëmarrësve njohuritë dhe aftësitë e nevojshme për të krijuar, menaxhuar dhe optimizuar uebfaqe profesionale dhe dyqane online duke përdorur WordPress dhe WooCommerce. Kursi përfshin tema kryesore si zhvillimi i uebfaqeve, menaxhimi i përmbajtjes, modelet e biznesit online, optimizimi për motorët e kërkimit (SEO) dhe proceset e shitjeve digjitale.
Pjesëmarrësit do të fitojnë përvojë praktike me mjete të rëndësishme digjitale si WordPress, WooCommerce, Elementor, Yoast SEO, Google Analytics, Google Search Console dhe Canva, duke u mundësuar të krijojnë dhe mirëmbajnë platforma efektive online.
Rezultatet e të Nxënit
Në përfundim të kursit, pjesëmarrësit do të jenë në gjendje të:
- Kuptojnë modelet kryesore të tregtisë elektronike dhe proceset e shitjeve digjitale.
- Krijojnë dhe konfigurojnë uebfaqe profesionale në WordPress.
- Krijojnë dhe menaxhojnë dyqane online përmes WooCommerce.
- Zhvillojnë dhe publikojnë përmbajtje efektive në uebfaqe.
- Aplikojnë praktikat më të mira të SEO-së dhe të optimizojnë performancën e uebfaqeve.
- Mirëmbajnë dhe sigurojnë uebfaqet.
Modulet e Kursit
- Hyrje në Tregtinë Elektronike: Modelet e biznesit, udhëtimi i klientit, tregjet online dhe proceset e shitjeve digjitale.
- Instalimi dhe Konfigurimi i WordPress: Hosting-u, domenet, temat, shtojcat (plugins) dhe konfigurimi i uebfaqes.
- Dizajnimi i Uebfaqeve dhe Menaxhimi i Përmbajtjes: Faqet, menytë, mediat, strategjia e përmbajtjes dhe përvoja e përdoruesit.
- Menaxhimi i Dyqanit Online me WooCommerce: Menaxhimi i produkteve, pagesave, dërgesave, porosive dhe llogarive të klientëve.
- SEO dhe Optimizimi i Uebfaqes: Fjalët kyçe, meta të dhënat, performanca e uebfaqes dhe optimizimi për pajisje mobile.
- Projekti Final i Uebfaqes: Krijimi dhe prezantimi i një uebfaqeje të plotë biznesi ose dyqani online.
Kushtet Paraprake
Pjesëmarrësit duhet të kenë njohuri bazike në përdorimin e teknologjisë digjitale, navigimin në internet dhe menaxhimin bazik të skedarëve.
Pjesëmarrja në trajnimet e projektit është pa pagesë për përfituesit e përzgjedhur.
Vlerësimi i Nevojave
Na ndihmoni të kuptojmë më mirë nevojat e biznesit tuaj dhe nivelin aktual të zhvillimit digjital.
Duke plotësuar këtë anketë për vlerësimin e nevojave, ju kontribuoni në identifikimin e mundësive për të përmirësuar efikasitetin, konkurrueshmërinë dhe transformimin digjital të biznesit tuaj.
Merrni disa minuta për të ndarë mendimin tuaj!
Thirrje Publike
A doni të rrisni nivelin tuaj të pjekurisë digjiitale, konkurrueshmërisë dhe efikasitetit?
Na kontaktoni!
Plotësoni formularin e aplikimit këtu!
Klikoni Këtu për të lexuar dokumentin për më shumë informacione.
DIG-4K
Kush jemi ne?
DIG-4K është një qendër e vetme shërbimi e krijuar për të mbështetur sipërmarrësit nga sektorë të ndryshëm dhe për të përmirësuar pjekurinë digjitale të ndërmarrjeve.
Anëtarët e konsorciumit kanë zhvilluar shërbime të strukturuara në katër kategori, të cilat do të jenë falas për përdoruesit përfundimtarë (ndërmarrjet dhe sektorin publik), me qëllim promovimin e përmirësimeve në proceset e biznesit dhe të prodhimit.
Çfarë lloj shërbimesh ofron EDIH DIG-4K për përdoruesit?
Përdoruesit mund të përfitojnë nga shërbimet e mëposhtme të EDIH DIG-4K:
Testimi para-investimit
Mbështetje për zbatimin e aktiviteteve të testimit dhe eksperimentimit me produkte dhe shërbime digjiitale të planifikuara për zhvillim përpara fillimit të investimit.
Zhvillimi i aftësive dhe trajnimi
Edukim, trajnim dhe përgatitje në aftësi digjitale, zhvillim biznesi, optimizim procesesh, etj.
Mbështetje për qasje në burime financiare
Shërbime këshilluese për identifikimin e burimeve të financimit.
Krijimi i rrjeteve dhe forcimi i ekosistemit të inovacionit
Promovimi i inovacionit dhe aktiviteteve këshilluese, si dhe shkëmbimi i njohurive ndërmjet anëtarëve të konsorciumit dhe përdoruesve të shërbimeve.
DIG-4K
Kush mund të aplikojë?
Në këtë fazë, vetëm ndërmarrjet mikro, të vogla dhe të mesme (NMVM) janë të përshtatshme për të aplikuar.
DIG-4K
Si të aplikoni?
Thirrja publike për ofrimin e shërbimeve EDIH DIG-4K është e hapur nga 30 Prilli 2025, deri më 30 maj 2025, ose derisa fondet të jenë shfrytëzuar plotësisht.
Aplikimet për thirrjen publike duhet të dorëzohen si më poshtë: Formulari i aplikimit duhet të plotësohet në mënyrë elektronike në link.
Nëse aplikimi juaj pranohet për shqyrtim të mëtejshëm, do t’ju kërkohet të dërgoni dokumentet e nevojshme në adresën e emailit: [email protected]
DIG-4K do të publikojë rregullisht lajme dhe informacione shtesë rreth shërbimeve dhe mënyrës së përdorimit të tyre në faqen zyrtare.